Kolbeinn Höður bætti met Jóns Arnars

Heimamaðurinn Kolbeinn Höður Gunnarsson náði frábærum tíma í 100 m hlaupi karla á Meistaramóti Íslands í frjálsíþróttum í morgun.

Hann bætti Íslandsmet 18-19 ára í greininni er hann hljóp á 10,65 sekúndum í morgun.

Þetta er annað aldursflokkametið sem fellur á mótinu en fyrr í dag setti Arna Stefanía Guðmundsdóttir bætti eigið met í 100 m grindahlaupi í sama aldursflokki.

Íslandsmetið í greininni er 10,3 sekúndur en 10,56 með nákvæmri mælingu. Kolbeinn Höður er því á góðri leið með að slá Íslandsmet fullorðinna með áframhaldandi bætingum.

Hafdís Sigurðardóttir var nálægt Íslandsmeti Sunnu Gestsdóttur er hún sigraði í 100 m hlaupi kvenna í morgun. Hafdís hljóp á 11,75 sekúndum og vann með yfirburðum, rétt eins og Kolbeinn Höður.

Úrslit í hástökki karla og 3000 m hindrunarhlaupi karla má sjá hér fyrir neðan.

100 m hlaup karla:

1. Kolbeinn Höður Gunnarsson, UFA 10,65 sek.

2. Helgi Björnsson, ÍR 11,03

3. Jóhann Björn Sigurbjörnsson, UMSS 11,09

100 m hlaup kvenna:

1. Hafdís Sigurðardóttir, UFA 11,75 sek.

2. Steinunn Erla Davíðsdóttir, UMSE 12,36

3. Andrea Torfadóttir, FH 12,53

Hástökk karla:

1. Hermann Þór Haraldsson, FH 1,87 m

2. Stefán Þór Jósefsson, UFA 1,79

3. Jón Gunnar Björnsson, ÍR 1,74

3000 m hindrunarhlaup karla:

1. Haraldur Tómas Hallgrímsson, FH 10:58,46 mín.

2. David Erik Mollberg, ÍR 11:11,27