Bílar

Löggan fær 365 hestafla Explorer

Finnur Thorlacius skrifar
Nýir Ford Explorer jeppar lögreglunnar í Bandaríkjunum.
Nýir Ford Explorer jeppar lögreglunnar í Bandaríkjunum.
Lögreglan í Bandaríkjunum hefur löngum ekið um á Ford bílum og nú ætlar Ford að bjóða lögreglunni þar vestra Ford Explorer jeppa sem verða með 3,5 lítra V6 EcoBoost vél sem skilar 365 hestöflum til hjólanna. Því verður aðeins erfiðara að stinga lögregluna af núna en áður.

Áður bauðst lögreglunni sami bíll með 3,7 lítra vél sem var 304 hestöfl og hefur lögreglan keypt mikið af þeim bíl, enda sérframleiddur fyrir lögregluna. Lögreglan hefur í gegnum tíðina keypt mikið af Ford Crown Victoria fólksbílum en Ford hefur nú ákveðið að hætta framleiðslu þess bíls, svo koma þessa öfluga Explorer gat ekki komið á betri tíma.

Lögreglan í Bandaríkjunum er með svo mikið af búnaði í bílum sínum nú til dags að þörfin fyrir stærri bíla eins og Explorer jeppann eða sambærilega bíla hefur minnkað mjög eftirspurnina eftir fólksbílum. Chevrolet Tahoe, sem er stór jeppi, hefur einnig verið mjög vinsæll undanfarið hjá lögreglunni.

Mest lesið




×

Mest lesið