Breiðablik og FH skildu jöfn

Breiðablik og FH skildu jöfn í Pepsi-deild kvenna í knattspyrnu í kvöld en leikurinn fór fram á Kópavogsvelli.

Heimastúlkur komust í 2-0 í leiknum en gestirnir frá Hafnafirði neituðu að gefast upp og náðu að jafna metinn.

Sveinbjörg Andrea Auðunsdóttir skoraði fyrsta mark leiksins en það var í vitlaust mark og því Blikar komnir yfir 1-0 á fyrstu mínútu leiksins.

Staðan var síðan orðin 2-0 eftir fimm mínútur þegar Greta Mjöll Samúelsdóttir skoraði laglegt mark fyrir Blika.

Sigrún Ella Einarsdóttir minnkaði muninn fyrir FH á 27. mínútu og Ashlee Hincks jafnaði síðan metin tíu mínútum síðar og staðan 2-2 í hálfleik.

Ekki voru fleiri mörk skoruð í leiknum og niðurstaðan því jafntefli.

Hér að ofan má sjá mörkin úr leiknum í kvöld.