Sautján sigrar í röð hjá Stjörnunni

Heil umferð fór fram í Pepsi-deild kvenna í kvöld. Úrslit deildarinnar eru reyndar ráðin en Stjarnan tryggði sér Íslandsmeistaratitilinn á dögunum.

Meistararnir voru í miklu stuði í kvöld og ætla ekkert að gefa eftir. Stjörnustúlkur völtuðu yfir Aftureldingu í Mosfellsbæ. Liðið þar með búið að vinna alla 17 leiki sína í deildinni, ótrúlegir yfirburðir.

Bikarmeistarar Breiðabliks halda áfram að tapa en liðið hefur ekki unnið leik síðan það tryggði sér bikarmeistaratitilinn. Að þessu sinni tapaði liðið gegn liðinu sem það lagði í bikarúrslitaleiknum, Þór/KA.

ÍBV heldur öðru sætinu en liðið vann nauman sigur á FH með marki í uppbótartíma.

Úrslit:

Afturelding-Stjarnan 1-7

Þróttur-Valur  1-5

- Dóra María Lárusdóttir, Edda Garðarsdóttir, Kristín Ýr Bjarnadóttir.

Selfoss-HK/Víkingur  0-0

ÍBV-FH   1-0

Bryndís Jóhannesdóttir.

Breiðablik-Þór/KA  1-5

Þórdís Hrönn Sigfúsdóttir - Sandra María Jessen 2, Katrín Ásbjörnsdóttir 2, Mateja Zver.

Úrslit markaskorara: urslit.net.