Chevrolet dagurinn á morgun

Nú þegar veturinn er á næsta leiti ætla starfsmenn Bílabúðar Benna að halda upp á Chevrolet daginn með viðskiptavinum sínum. Í fréttatilkynningu frá Bílabúð Benna segir að Chevrolet dagurinn snúist um að auka öryggi og ánægju Chevrolet eigenda með ókeypis vetrarskoðun, sértilboðum og ýmsum glaðningi fyrir alla fjölskylduna.  

“Það má líta á Chevrolet daginn sem þakklætisvott til viðskiptavina okkar og við ætlum að festa hann í sessi í framtíðinni,” segir Björn Ragnarsson, framkvæmdastjóri Bílasviðs hjá Bílabúð Benna. 

Chevrolet eigendur eru hvattir til að koma og njóta þess sem boðið verður uppá á Chevrolet deginum. Starfsmenn Bílabúðar Benna ætla að standa vaktina á milli kl. 11:00 og 16:00,  laugardaginn 12. október, í Reykjavík og Reykjanesbæ.