Ólafur tekur við af Þorláki

Stjarnan er búin að finna arftaka Þorláks Árnasonar með kvennalið félagins. Ólafur Þór Guðbjörnsson var ráðinn í dag.

Fótbolti.net segir að leikmönnum hafi verið tilkynnt um ráðninguna á fundi. Stjarnan varð Íslandsmeistari í sumar með fullt hús stiga þannig að Ólafs bíður verðugt verkefni.

Ólafur er ekki ókunnugur í Garðabænum en hann þjálfaði liðið árið 2010. Hann skrifaði undir tveggja ára samning við félagið.

Hann er þess utan landsliðsþjálfari U-19 ára landsliðsins.