Ancelotti sakar leikmenn Real Madrid um værukærð

Carlo Ancelotti þjálfari spænska stórliðsins Real Madrid er allt enn en ánægður með að lið sitt hafi næstum því kastað þriggja marka forskoti tvívegis frá sér á fjórum dögum í spænska fótboltanum.

Real Madrid vann báða leikina, Sevilla 7-3 í vikunni og Rayo Vallecano 3-2 í gær en í báðum leikjum missti Real þriggja marka forskot niður í aðeins eins marks forskot og það er Ancelotti allt annað en sáttur við.

„Hvernig við fáum þessi mörk á okkur í síðustu tveimur leikjum getur ekki verið tilviljun,“ sagði Ítalinn við fjölmiðla eftir leikinn í gær. „Varnarlega var seinni hálfleikur hörmung.

„Þetta er eitthvað sem við höfum rætt í búningsklefanum og ég get svarað almennt fyrir hér. Ég held að við þurfum að gera smávægilegar breytingar og losa okkur við yfirborðskennt hugarfar sem við sýnum stundum á vellinum.

„Lið með þessa hæfileika ætti ekki að eiga hættu á að tapa leik sem liði kemst í 3-0 í. Að halda að leikurinn sé búinn í stöðunni 3-0 er mikil mistök. Þetta er ekki fótbolti. Þetta hefur gerst tvisvar og ég er viss um að þetta gerist ekki aftur,“ sagði Ancelotti.

Real Madrid er sex stigum á eftir toppliði Barcelona og hefur fengið 16 mörk á sig í aðeins 12 leikjum.