Ólafur Stefánsson í viðtali á CNN

Þrátt fyrir að hafa lagt skóna á hilunna í vor eftir stórkostlegan feril er Ólafur Stefánsson enn í umræðunni í fjölmiðlum út um allan heim. CNN heimsótti Ólaf í nýju starfi hans sem þjálfari meistaraflokks Vals og tók viðtal við hann auk þess að ræða við leikmenn liðsins um Ólaf.

Í viðtalinu fjallar Ólafur um feril sinn allt frá fyrstu árunum með Val ásamt því að ræða ferðirnar þrjár á Ólympíuleikana með íslenska landsliðinu. Ólafur er einnig með stutta kynningu á handbolta enda er CNN bandarísk sjónvarpsstöð og handbolti ekki stór íþrótt þar í landi.