Aðstaðan kemur í veg fyrir skráðan árangur

Enginn íslenskur keppendi tekur þátt í Norðurlandamótinu innanhúss í frjálsum íþróttum í Finnlandi í febrúar.

Stjórn Frjálsíþróttasambands Íslands hefur ákveðið að senda engan fulltrúa á mótið sem fram fer í Tempere þann 8. febrúar. Ástæðan er sú að mótið fer fram á 300 metra flatri braut og því yrði allur árangur sem næðist í hlaupagreinum lengri en 60 metrar ólöglegur.

Þétt dagskrá hefur verið hjá íslensku frjálsíþróttafólki undanfarnar vikur. Tvær liðnar helgar hefur verið keppt á Stórmóti ÍR og Reykjavíkurleikunum og núna um helgina fer Meistaramót Íslands innanhúss fram.