Sextándi sigur Bayern í röð

Bayern München bætti met í dag er liðið vann sinn sextánda sigur í röð í þýsku úrvalsdeildinni.

Yfirburðir liðsins í deildinni eru með ólíkindum en liðið vann í dag 6-1 sigur á Wolfsburg á útivelli. Thomas Müller og Mario Mandzukic skoruðu tvö mörk hvor og þeir Xherdan Shaqiri og Franck Ribery eitt hvor.

Wolfsburg komst þó yfir með marki Naldo á 17. mínútu en þá tóku lærisveinar Pep Guardiola öll völd í leiknum.

Bayern er með 23 stiga forystu á Dortmund þegar tíu umferðir eru eftir en liðið tryggði sér meistaratitilinn í fyrra þegar sex leikir voru eftir. Bayern getur gert enn betur í ár og tryggt sér titilinn í 23. sinn í lok mánaðarins.

Úrslit dagsins:

Wolfsburg - Bayern 1-6

Gladbach - Augsburg 1-2

Schalke - Hoffenheim 4-0

Hamburg - Frankfurt 1-1

Hannover - Leverkusen 1-1

Stuttgart - Braunschweig 2-2