Messan: Á dómarinn að treysta leikmönnunum?

Strákarnir í Messunni fjalla um rauða spjaldið sem Kieran Gibbs fékk fyrir syndir liðsfélaga síns í Arsenal.

Sem kunnugt er handlék Alex Oxlade-Chamberlain boltann í 6-0 tapi Arsenal gegn Chelsea en Andre Marriner, dómari leiksins, fór í mannavillt og rak Gibbs af velli.

Þrátt fyrir að leikmenn hefðu komið að máli við hann og reynt að leiðrétta misskilninginn stóð ákvörðun Marriner, sem baðst síðar afsökunar.

„Þetta er erfitt fyrir dómarann. Á hann að treysta leikmönnunum? Það er erfitt við svona kringumstæður,“ benti Bjarni Guðjónsson, annar sérfræðinga þáttarins, á.