Hollt og gott að dansa í hádeginu

Auglýsingastofan PIPAR\TBWA hélt heldur betur glæsilegt partí til að fagna stækkun stofunnar.

„Það er löngu komin tími á að stækka við okkur enda hefur starfsmönnum fjölgað töluvert undanfarin ár. Húsnæðið er bókstaflega að springa utan af okkur og við bregðumst glöð við því,“ segir Valgeir Magnússon framkvæmdastjóri stofunnar.

PIPAR\TBWA er nú komið í mikið stærra húsnæði en auk þess sem starfsfólk sinnir nú störfum sínum á nýrri hæð mun hæðinni fyrir neðan verða breytt í fundarherbergi, ljósmyndastúdíó og kaffihús. 

Áður en flutt var inn var nýja hæðin hins vegar nýtt til hins ýtrasta með dansi í hádeginu, gleði og glaum en gestum var boðið upp á grillaðar pylsur og að lokum kælt niður með ís áður en það hélt aftur til vinnu.