Seung-Yul Noh sigraði í Louisiana

Seung-Yul Noh, 23 ára gamall Suður-Kóreubúi sigraði á sínu fyrsta móti á PGA-mótaröðinni í kvöld en hann bar sigur úr býtum á Zurich Classic mótinu sem fram fór á TPC Louisiana vellinum. Noh lék hringina fjóra á 19 höggum undir pari en hann leiddi mótið fyrir lokahringinn og sigldi svo sigrinum í land með lokahring upp á 71 högg.

Öðru sætinu deildu þeir Andrew Svobota og Robert Steb á 17 höggum undir en Jeff Overton endaði einn í fjórða sæti á 16 höggum undir. Keegan Bradley sem var í öðru sæti fyrir lokahringinn náði sér aldrei á strik í kvöld og lék á 75 höggum eða þremur yfir pari en mikill vindur gerði kylfingum lífið leitt eftir því sem leið á hringinn og voru skorin eftir því.

Seung-Yul Noh hefur verið atvinnumaður síðan að hann var 17 ára gamall en hann var á sínum tíma yngsti kylfingur í sögunni til þess að sigra mót á evrópsku mótaröðinni. Núna hefur hann bætt titli á PGA-mótaröðinni í titlasafnið en fyrir sigurinn fær hann rúmlega 140 milljónir króna í verðlaunafé ásamt tveggja ára keppnisrétt á mótaröðinni.