Horfðu á NFL-leik úr sundlaug

Jacksonville Jaguars er ekki mest spennandi liðið í NFL-deildinni en það er orðið verulega spennandi að kíkja á völlinn þar.

Félagið er nefnilega búið að fjarlægja 9.500 sæti í norðurenda vallarins og í staðinn er kominn tveggja hæða skemmtistaður.

Þar eru meðal annars tvær sundlaugar, heitir pottar, gufubað og huggulegar setustofur. Allur matur og drykkir eru innifaldir fyrir þá sem nýta sér þessa aðstöðu.

Dýrustu miðarnir á þetta svæði munu kosta rúmar 28 þúsund krónur. Þeir ódýrustu kosta tæplega 20 þúsund krónur.

Fleiri myndir af því hvernig aðstaðan mun líta út má sjá hér að neðan.