Kroos sagður á leið til Madrídar

Spænska blaðið Marca slær því upp á forsíðu sinn í dag að Real Madrid hafi komist að samkomulagi við Bayern München um kaup á Toni Kroos.

Kroos hefur verið sterklega orðaður við Manchester United en svo virðist sem að hann hafi valið spænsku úrvalsdeildina fram yfir þá ensku.

Real er sagt greiða 25 milljónir evra, um 3,8 milljarða króna, fyrir Kroos sem er sagður muna skrifa undir fimm ára samning.

Enn fremur er fullyrt að aðeins eigi eftir að ganga frá smáatriðum en að félagaskiptin muni ganga í gegn innan skamms. Blaðið sagði fyrst frá viðræðum liðanna á mánudag.

Kroos átti eitt ár eftir af núverandi samningi sínum við Bayern og hafði hafnað tilboði félagsins um nýjan samning.