Eiður Smári lagði upp tvö í æfingarleik | Myndband

Eiður Smári Guðjohnsen lagði upp tvö mörk og átti stóran þátt í því þriðja í 4-2 sigri varaliðs FCK á Nordsjælland í dag en Eiður er þessa dagana á reynslu hjá FC Kaupmannahöfn.

Eiður hefur æft með liðinu undanfarna daga og hefur danska liðið mikinn áhuga á því að fá Eið til liðs við sig.

Eiður er samningslaus þessa dagana eftir að hafa ekki fengið nýjan samning hjá Club Brugge í vor. Hafa erlendir miðlar meðal annars orðað hann við lið í indversku ofurdeildinni.

Eiður var ekki eini íslenski leikmaðurinn í leiknum en Kristján Flóki Finnbogason lék með FCK og Adam Örn Arnarson með Nordsjælland.