Hertar árásir á Isis

Bandaríkjamenn og arabískir bandamenn þeirra hafa sett aukinn kraft í loftárásir sínar á meðlimi hins Íslamska ríkis í Sýrlandi sem þjarma nú að borginni Kobane við tyrknesku landamærin.

Rúmlega tuttugu árásir hafa verið gerðar síðustu daga og segja Bandaríkjamenn að tekist hafi að hægja á framgangi vígamannanna en um tíma leit út fyrir að árásirnar væru að gera lítið sem ekkert gagn.

Obama sagðist á fundi í gær, sem haldinn var með þeim tuttugu og tveimur þjóðum sem hafa lofað að leggja baráttunni við Isis lið, búast við að herförin gegn Isis muni taka langan tíma.