Óbreytt byrjunarlið gegn Tékklandi

Engin breyting er á byrjunarliði Íslands frá öðrum leikjum liðsins í undankeppni EM 2016 í knattspyrnu. Ísland mætir Tékklandi í Plzen í kvöld en bæði lið eru með fullt hús stiga á toppi A-riðils.

Ísland hefur unnið leiki sína þrjá í keppninni til þessa samanlagt 8-0 og þar sem engin meiðsli eru í leikmannahópi Íslands var ákveðið að tefla áfram fram sama liði.

Jóhann Berg Guðmundsson, sem missti af fyrstu leikjunum í undankeppninni vegna meiðsla, byrjar því á bekknum í kvöld rétt eins og Alfreð Finnbogason.

Kári Árnason og Emil Hallfreðsson voru tæpir í upphafi vikunnar vegna meiðsla en þeir náðu að hrista það af sér og eru klárir í slaginn í kvöld.

Leikurinn hefst klukkan 19.45 og verður í beinni textalýsingu á Vísi og í beinni útvarpslýsingu Gumma Ben á Bylgjunni.

Lið Íslands í kvöld (4-4-2):

Markvörður:

Hannes Þór Halldórsson

Varnarmenn:

Theodór Elmar Bjarnason

Kári Árnason

Ragnar Sigurðsson

Ari Freyr Skúlason

Miðjumenn:

Birkir Bjarnason

Gylfi Þór Sigurðsson

Aron Einar Gunnarsson (fyrirliði)

Emil Hallfreðsson

Sóknarmenn:

Jón Daði Böðvarsson

Kolbeinn Sigþórsson