NFL-stjarna bauð stuðningsmanni 3 milljónir ef hann þorði í slag

Anthony Kalla, stuðningsmaður Detroit Lions, fékk sínar 15 mínútur af frægð í gær er einn besti útherji NFL-deildarinnar bauð honum í slag.

Brandon Marshall, stjörnuútherji Chicago Bears, fór þá að rífast við hann á Twitter. Kalla hafði sent honum tíst þar sem hann minntist á orð Marshall frá því í fyrra er hann sagði Lions vera litla bróður Bears. Hann ákvað svo reyndar að tala illa um móður Marshall.

Mömmuummælin kveiktu í Marshall sem tók þá sérstöku ákvörðun að fara að rífast við Kalla. Marshall bauð honum að lokum í slag. Til að gera málið áhugavert bauð hann Kalla rúmar 3 milljónir króna ef hann myndi þora í sig. Hann yrði þá líka að biðja móður hans afsökunar.

Kalla bakkaði út og sagðist vera klár í slaginn ef Bears myndi vinna þrjá leiki í viðbót í vetur.

Fjölmiðlar vestanhafs voru fljótir að stökkva á málið og fjalla um það. Þá gerði Marshall grín að öllu en Kalla baðaði sig í sviðsljósinu.

Nokkur tíst frá þeim má sjá hér að neðan.

"@AnthonyGKalla: @BMarshall that's it? Cmon brandy make it 25 and we can do it in Detroit" And you have to apologize to my mom.

— Machine Marshall (@BMarshall) November 13, 2014

"@AnthonyGKalla: @BMarshall that's it? Cmon brandy make it 25 and we can do it in Detroit" 25 it is. Ha! You thought i wouldn't say yes.

— Machine Marshall (@BMarshall) November 13, 2014

Looks like people took my boxing match for charity too serious. #chill

— Machine Marshall (@BMarshall) November 14, 2014

B Marshall put his hands on 15 women but won't respond to me

— Anthony ♛♕ (@AnthonyGKalla) November 14, 2014

LETS GO DETROIT. WHO WANTS TO SEE THIS FIGHT!?

— Anthony ♛♕ (@AnthonyGKalla) November 14, 2014