Fóru á kostum á æfingu með Sinfó

Nemendur í skólahljómsveitum Árbæjar og Breiðholts fóru á kostum á æfingu með Sinfóníuhljómsveit Íslands í morgun. Nemendurnir verða í eldlínunni á jólatónleikum Sinfóníunnar um helgina.

„Þetta atriði átti sér stað rétt í þessu á æfingu. Þau spila ekki bara - þau dansa líka. Ef þetta er ekki boðskapur um bjarta framtíð þá stöndum við á gati,“ segir í pósti á Fésbókarsíðu Sinfóníuhljómsveitar Íslands.

Fernir tónleikar verða um helgina en nemendurnir hafa margir hverjir staðið í ströngu við æfingar undanfarnar vikur í kjölfar verkfalls tónlistarkennara. Lýstu tveir því yfir að þeir óttuðust að verkfallið yrði til þess að þeir myndu missa af tækifærinu til að spila með Sinfó.

Post by Sinfóníuhljómsveit Íslands.