Hættu sykuráti á 5 dögum

Sykur orsakar vítahring, stöðuga hungurtilfinningu, þreytu og skapsveiflur. Það getur verið erfitt að hætta sykurneyslu en eftirfarandi fæðutegundir draga úr sykurlöngun og hjálpa líkamanum að ná jafnvægi.

1. Prótein, fita og trefjar



Ástæðan fyrir þessu þrennu er einfaldlega sú að maður verður saddur af því að borða þetta og í lengri tíma. Passaðu upp á að hver máltíð innihaldi eitthvað af þessu þrennu. Miðaðu við að um 25 prósent af máltíð séu prótein með góðu fitunni eins og omega 3. Til dæmis: Egg, hnetur, avókadó, ólífuolía, hummus, lax og kjúklingur.

2. Grænt grænmeti í staðinn fyrir brauð og pasta

Ástæðan fyrir þessu er sú að brauð er fljótt að breytast í sykur og þá ertu aftur á byrjunarreit. Grænmeti eru full af flóknum kolvetnum sem halda manni söddum í lengri tíma. Það tekur lengri tíma að melta grænmeti en t.d brauð.

3. Matur sem er súr

Ástæðan fyrir þessu er sú að súr matur sparkar sykurlönguninni út um gluggann. Sem dæmi: Súrkál eða kimchi.

4. Hreint dökkt súkkulaði

Ástæðan fyrir því er sú að súkkulaðið losar um endorfín án þess að hækka sykurinn í blóðinu. Til dæmis: 100 prósent hreint dökkt súkkulaði, ef það er of mikið má fara niður í 75 prósent súkkulaði.

5. Drekka meira vatn

Ástæðan fyrir því er sú að vatn skolar sykur úr líkamanum og á þannig að draga úr sykurlöngun. 

Heimild: Heilsutorg.is