Mætti með fjölskylduna með sér

Kaupsýslumaðurinn Björgólfur Thor Björgólfsson mætti ásamt eiginkonu sinni, Kristínu Ólafsdóttur og tveimur börnum, á sýningu Guðmundar Jörundssonar á Reykjavík Fashion Festival, í Hörpu um helgina.

Margt var um manninn á sýningu JÖR og var hún án efa fjölmennasta sýningin á RFF.

Björgólfur er greinilega mikill aðdáandi Gumma Jör því hann sást einnig í eftirpartíi sem fram fór á Paloma á laugardagskvöld.

Björgólfur Thor er þekktur fyrir fágaðan klæðaburð og er ávallt flottur í tauinu en hann skartaði einmitt leðurbuxum í eftirpartíinu.