Sumarleg sítrónusætindi: Smákökur, terta og sítrónuídýfa

Sítrónan hefur ekki verið móðins í bakkelsi síðustu ár en nú er hennar tími kominn.

Hér eru nokkrar hugmyndir að sumarlegum sítrónuréttum.

Sítrónu- og hindberjastykki



Botn

8 muldar hafrakexkökur

3 msk. bráðið smjör



Hindberjasósa

1 bolli fersk hindber

2 msk. hunang

2 msk. vatn



Fylling

115 g mjúkur rjómaostur

¼ bolli grísk jógúrt

bolli „condensed milk“

1 egg

bolli „lemon curd“ (sítrónu-ystingur)

2 msk. hveiti

2 tsk. vanilludropar

tsk. salt



Hitið ofninn í 175°C og smyrjið 20 sinnum 20 sentimetra form. Myljið hafrakexið í matvinnsluvél og blandið því síðan saman við bráðið smjör. Setjið blönduna í botninn á forminu og bakið í um það bil átta til tíu mínútur. Látið kólna. Blandið hindberjum, hunangi og vatni saman í potti yfir lágum hita í um það bil fimm mínútur eða þangað til sósan er orðin þykk. Hrærið í blöndunni allan tímann. Setjið síðan blönduna í gegnum sigti til að losna við fræ og leyfið henni að kólna. Hrærið rjómaost, gríska jógúrt og „condensed milk“ saman í skál. Bætið eggi, lemon curd, hveiti, vanilludropum og salti saman við og hrærið allt saman í um þrjár mínútur. Hellið blöndunni yfir botninn. Setjið hindberjasósuna ofan á hér og þar og notið tannstöngul til að búa til rákir í kökuna. Bakið í tuttugu mínútur. Kælið kökuna við stofuhita og setjið í ísskáp í tvo tíma.

* Fengið hér

Sítrónu- og ólífuolíukaka



4 stór egg

1 bolli sykur

½ ólífuolía

2½ msk. sítrónusafi

1 bolli hveiti

½ tsk. lyftiduft

¼ tsk. salt

1 tsk. sítrónubörkur

¼ bolli flórsykur



Hitið ofninn í 175°C og smyrjið hringlaga form. Hrærið egg og sykur vel saman, í um það bil fimm mínútur. Hrærið hveiti, lyftiduft, salt og börk saman í annarri skál. Bætið olíu og sítrónusafa varlega saman við eggjablönduna. Bætið síðan hveitiblöndunni varlega saman við og passið að blanda ekki of lengi og vel saman. Bakið í 40 til 45 mínútur þangað til kakan hefur brúnast létt. Kælið kökuna og dustið síðan flórsykri yfir.

* Fengið hér

Sítrónuídýfa 



230 g mjúkur rjómaostur

½ bolli grísk jógúrt

½ bolli lemon curd

1 tsk. vanilludropar

safi úr 1 sítrónu



Blandið öllum hráefnum vel saman og dýfið ljúffengum ávöxtum í.

*Fengið hér

Sítrónu- og hvítsúkkulaðismákökur



1¾ bolli hveiti

1 tsk. maizena

1 tsk. matarsódi

½ tsk. salt

½ bolli sykur

½ bolli púðursykur

Börkur af 1-2 sítrónum

170 g mjúkt smjör

1 stórt egg

170 g hvítir súkkulaðibitar



Blandið saman hveiti, maizena, matarsóda og salti. Hrærið saman sykur, púðursykur og sítrónubörk í annarri skál. Bætið smjörinu við og blandið saman í þrjár mínútur. Bætið egginu saman við og hrærið vel. Bætið hveitiblöndunni við sykurblönduna en passið að blanda ekki of vel saman. Hrærið súkkulaðibitunum saman við með sleif. Kælið deigið í um það bil klukkustund. Hitið ofninn í 180°C. Búið til kúlur úr deiginu og setjið á bökunarpappírsklædda ofnplötu. Bakið í um það bil átta mínútur eða þangað til kökurnar brúnast aðeins en miðjan er mjúk.

Fengið hér