Bráðhollt og bragðgott rauðrófusalat

Í síðasta þætti af Heilsugenginu var Halldóra Sigurdórsdóttir heimsótt, en hún var sárþjáð af vefjagigt og öðrum kvillum. Halldóra tók málin í sínar hendur og með því að breyta um mataræði og hugsunarhátt tók líf hennar stakkaskiptum.

Solla Eiríks bjó til fyrir hana þetta bráðholla og bragðgóða rauðrófusalat.

3 rauðrófur, afhýddar og skornar í bita

1 msk. fennelfræ

1 tsk. sjávarsaltflögur

1 msk. kókosolía + 1 msk. vatn

2-3 grænkálsblöð, nudduð upp úr ólífuolíu, engifer og sítrónusafa

2 dl brokkólíblóm, nudduð upp úr ólífuolíu, engifer og sítrónusafa

1 lárpera

50 g valhnetur, þurrristaðar

um 10 jarðarber, skorin í fernt

ólífuolía, balsam-edik, sjávarsaltflögur til að skvetta yfir

Afhýðið rauðrófurnar, skerið í bita, stráið yfir salti og fennelfræjum ásamt vatni og kókosolíu og bakið í ofni við 175°C í um 30 mín. Setjið í skál ásamt öllu hinu sem eftir er. Blandið saman og skvettið ólífuolíu og balsam-ediki yfir og nokkrum sjávarsaltflögum.