Dagur kallar á Mimi Kraus

Dagur Sigurðsson, landsliðsþjálfari Þýskalands, hefur ákveðið að kalla á gamla kempu fyrir lokaverkefni landsliðsins fyrir HM í Katar.

Dagur ætlar að skoða miðjumanninn Mimi Kraus í komandi leikjum gegn Tékkum. Búið var að afskrifa þann möguleika að hann færi með til Katar.

Martin Strobel spilaði nánast frá upphafi til enda á miðjunni hjá Þjóðverjum í leikjunum gegn Íslandi.

„Breiddin í hópnum skiptir gríðarlegu máli," segir Dagur og verður áhugavert að sjá hvernig hinn skrautlegi og skemmtilegi Kraus kemur inn í liðið.