Guðmundur: Þetta var stór stund fyrir íslenskan handbolta

Það reyndi mikið á Guðmund Guðmundsson í leik Dana og Þjóðverja.  Gríðarlega mikil átök, leikurinn grjótharður og æsispennandi.  

„Nei ég er ekkert ósáttur en ég er heldur ekkert sérstaklega sáttur.  Þegar við lítum á þetta í heild og miðað við að vera þremur mörkum undir tvisvar í leiknum eru þetta fín úrslit.  Svo getum við líka sagt að við séum frekar pirraðir yfir því að Þjóðverjar hafi fengið að spila svona langa sókn í lokin,“ sagði Guðmundur við Vísi.  

„Þetta var alvöru handboltaleikur, 16-16 í hálfleik og mikil átök í leiknum. Það var erfitt að eiga við þetta þýska lið. Við vissum að hverju við myndum ganga, varnarlega.  Ég var ekki nógu ánægður með varnarleikinn sérstaklega í fyrri hálfleik.  Að fá á sig 14 mörk í seinni hálfleik er viðundandi.  Dagur prófaði nýa vörn, 4 plús 2, tekur tvo úr umferð.  Við leystum það frábærlega fyrir utan fyrstu sóknina.“

En þú fékk Mikkel Hansen í gang í þessum leik?

„Ég fékk Mikkel í gang og Mads Christiansen líka.  Það eru margir jákvæðir punktar í þessu.  Við höldum áfram, einbeittir í baráttu okkar. Við getum ennþá bætt okkur helling.“

Eins og þetta mót hefur spilast. Skiptir það þá einhverju máli í hvaða sæti liðin lenda?

„Nei í raun ekki.  Eins og C og D-riðlarnir eru sterkir þá skiptir ekki máli í hvaða sæti þú lendir fyrr en í 8-liða úrslitunum.  Liðið sem vinnur gæti fengið léttari mótherja síðar í keppninni.

Nú er þetta sögulegt andartak í sögu íslenskra íþrótta, tveir íslenskir þjálfarar að stýra erlendum liðum á HM.

„Já ég held að Íslendingar megi vera stoltir.  Þetta er mjög sérstök stund og stór fyrir íslenskan handbolta“.

Allt viðtalið má sjá í spilaranum hér að ofan.