Miðaði byssu á barnsmóður sína

Joseph Randle, hlaupari Dallas Cowboys, er ekki að byrja fríið sitt neitt sérstaklega vel.

Hann lenti í átökum við barnsmóður sína í síðustu viku. Hann miðaði byssu á hana og var með hótanir í hennar garð. Hún hefur nú farið fram á að fá vernd gegn Randle. Parið er augljóslega ekki enn í sambandi.

Barnsmóðirinn hringdi sjálf í 911 og óskaði eftir aðstoð er Randle virðist hafa brjálast. Hún vildi þó í fyrstu ekki segja hver hún væri.

Í símtölum sínum við neyðarlínuna þá sagði hún Randle einnig hafa losað sig við mikið magn af kannabis þar sem hann vissi að löggan væri á leiðinni.

Lögreglan fann ekki skotvopnið er hún mætti á svæðið en fann smávegis af kannabisi.