Létu illum látum í lægðinni í Reykjavík

Í ferðaþáttunum Illa farnir ferðast hinir viðkunnanlegu félagar Davíð Arnar, Arnar Þór og Brynjólfur um Ísland í sextán þáttum með það að markmiði að kynnast landinu og lenda í ævintýrum.



„Við ætluðum að fara út á land til að gera nýjasta þáttinn en óveðrið um helgina setti strik í reikninginn. Þannig að við tókum Reykjavíkurþátt í staðin,“ segir Davíð.

Strákarnir láta öllum illum látum í lægðinni og fara víða um borgina.

„Við spiluðum þetta bara eftir eyranu. Fórum og skoðuðum það sem okkur datt í hug. Ákváðum að finna skemmtilega leið til að eyða tveimur dögum í Reykjavík. Þetta endaði á því að verða blautur þáttur, eins og þeir eiga að vera,“ segir Davíð.