Þeir sem eru á leið í páskafrí á miðvikudag þurfa á sólgleraugum að halda

Margir bíða eflaust óþreyjufullir eftir páskafríinu og má ætla að umferðin verði ansi þung á miðvikudag þegar ferðalangar leggja í hann.

Spákort Veðurstofu Íslands nær nú til miðvikudags og þar kemur ýmislegt í ljós þó hafa verði í huga að veðurspá svo langt fram í tímann getur ekki talist áreiðanleg. En samkvæmt þeim upplýsingum sem gefnar eru upp á þessu spákorti þá má búast við sólríku veðri víðs vegar um landið og skynsamlegast að hafa sólgleraugun með í för.

Samkvæmt textaspá Veðurstofu Íslands fyrir miðvikudaginn má búast við norðan- og norðvestanátt með éljum norðan til en björtu veðri sunnanlands.

Á fimmtudegi, skírdag, snýst líklega í austanátt með snjókomu suðvestan til seinni partinn, annars úrkomulítið. 

Fylgstu með á veðurvef Vísis.