Þjónustudagur Toyota á morgun

Á morgun, laugardaginn 16. maí  verður árlegur þjónustudagur hjá viðurkenndum sölu- og þjónustuaðilum Toyota víða um land. Þetta er 11. árið í röð sem Toyotaeigendur geta komið til sölu- eða þjónustuaðila og fengið vorhreingerningu á bílnum. 

Allir Toyotaeigendur eru velkomnir milli kl. 11 og 15 á laugardag og verður vel tekið á mótið þeim af starfsmönnum Toyota og hjálparkokkum em sápuþvo bílana og þurrka. Þegar bíllinn hefur fengið sitt bíður grill og gos auk þess sem sumarglaðningur fylgir fyrir börn og fullorðna. Í tilefni af 50 ára afmæli Toyota á Íslandi fylgir happdrættismiði með þvottinum. Sýningarsalir verða opnir hjá söluaðilum þar sem skoða má það nýjasta frá Toyota.

Toyotaeigendur geta rennt við á þjónustudeginum hjá, Toyota Kauptúni, í Reykjanesbæ, á Akureyri og Selfossi, hjá Bifreiðaverkstæði KS á Sauðárkróki, Bílageiranum í Reykjanesbæ, Bifreiðaverkstæði Reykjavíkur á Bæjarflöt, Bifreiðaverkstæði Austurlands á Egilsstöðum og hjá Nethamri í Vestmannaeyjum.