Íslendingar gera upp Eurovision: „Næst sendum við skeggjaða konu“

Vonbrigðin virðast hafa verið mikil hjá landsmönnum þegar ljóst varð í gærkvöldi að Ísland yrði ekki á meðal þeirra tuttugu þjóða sem keppa á úrslitakvöldi Eurovision annað kvöld. Samfélagsmiðlar loguðu á meðan á keppni stóð og langt fram á nótt.

Meðal þeirra sem slógu á létta strengi að keppninni lokinni voru grínistarnir Bragi Valdimar og Þorsteinn Guðmundsson.

Næst sendum við skeggjaða konu. Ég á aldraða frænku með góða mottu. #12stig

— Þorsteinn Guðmunds (@ThorsteinnGud) May 21, 2015

Neeeeeeeeeeeeeei!!!Skítadrullupumpudraslkleprasvindlkúkakeppni! #12stig

— Bragi Valdimar (@BragiValdimar) May 21, 2015

Fjölmiðlamaðurinn Atli Fannar Bjarkason og Gísli Marteinn Baldursson sendu þessi skilaboð til landsmanna.

María fór út fyrir Íslands hönd og var til sóma. Ásmundur Einar fór út fyrir Íslands hönd og ældi yfir fólk. Verum pirruð út í hann. #12stig

— Atli Fannar (@atlifannar) May 21, 2015

Þetta minnir okkur bara á það börnin góð að sleppa aldrei góðu fimmtudagspartíi í þeirri trú að það komi annað á laugardaginn. #12stig

— Gísli Marteinn (@gislimarteinn) May 21, 2015

Svo voru aðrir sem voru bara ótrúlega fyndnir.

Ég- jæja amma þerra gengur bara betur næst Amma - það verður ekkert fokking næst, ég er 86 ára #12stig

— Hjálmar Örn Jóhannss (@hjammi) May 21, 2015

Ari Eldjárn og Auðunn Blöndal höfðu sitt að segja um framlag Svía í keppninni sem flaug áfram í úrslitin. Sá sænski virtist höfða sérstaklega til íslenskra kvenmanna.

Svíðþjóð svindlaði! Það voru miklu fleiri en 6 manns á sviðinu! #12stig pic.twitter.com/79h5l1U73k

— Ari Eldjárn (@arieldjarn) May 21, 2015

Fengu Svíar að senda video í keppnina?? #12stig

— Auðunn Blöndal (@Auddib) May 21, 2015

Keppendur sjálfir voru með á Twitter og birti Friðrik Dór bakraddasöngvari þessa skemmtilegu mynd af sér þegar hann var tilbúinn að stíga á svið.

Búinn í förðun. Ótrúlega sáttur með útkomuna, hlýir litir sem henta mínum húðlit ofboðslega vel #12stig pic.twitter.com/6IWEeXYfu2

— Friðrik Dór (@FridrikDor) May 21, 2015

Umræðan einskorðaðist ekki við Twitter heldur voru ýmsir virkir á Facebook. Einn var svo virkur að þegar úrslitin voru ljós stofnaði hann Facebook-hópinn Við skorum á Pál Óskar að taka aftur þátt í Eurovision. Á annað þúsund manns hafa gengið í hópinn.

Svo voru ýmsir sem hrósuðu Maríu og teyminu í hástert fyrir frammistöðuna.

Við erum bara tapsár. María you da bomb, song is da shit #12stig

— Steiney Skúladóttir (@steiney_skula) May 22, 2015

María Ólafs sjálf kippti sér lítið upp við umræðuna á samfélagsmiðlum og skrifaði meðfylgjandi skilaboð til vina og vandamanna að keppni lokinni.

Fyrir örfáum mánuðum var ég óþekkt stelpa úr Mosfellsbænum sem átti mér drauma en var of feimin til að framkvæma þá. Í...

Posted by María Ólafsdóttir on Thursday, May 21, 2015

Eitthvað bar á því að notendur á Twitter köstuðu fram skoðunum sínum og hugsunum en sáu svo að sér og eyddu þeim. Meðal þeirra var Teitur Örlygsson körfuboltaþjálfari.

Þyrfti að vera lokaður #12stig hópur á twitter, ekki fyrir viðkvæma hópur. Er búin að delete gommu. #yfirstrikið

— Teitur Örlygsson (@teitur11) May 21, 2015