TBR vann Helsingfors

TBR spilaði síðasta leik sinn í Evrópukeppni félagsliða í gærkvöldi gegn Helsingfors frá Finnlandi. TBR vann 3-2.

Kristófer Darri Finnsson og Rakel Jóhannesdóttir spiluðu tvenndarleik gegn Marko Pyykonen og Mathilda Lindholm og töpuðu eftir oddalotu 21-17, 16-21 og 11-21.

Margrét Jóhannsdóttir vann einliðaleik sinn gegn Jenni Rautiainen 21-16 og 21-16. Kristófer Darri lék einliðaleik gegn Santtu Hyvarinen og tapaði 13-21 og 14-21.

Margrét Jóhannsdóttir og Rakel Jóhannesdóttir unnu tvíliðaleik gegn Mathilda Lindholm og Jenni Rautiainen 21-18 og 23-18.

Síðasti leikurinn var úrslitaviðureign en þar mættu Atli Jóhannesson og Daníel Thomsen Marko Pyykonen og Pekka Ryhanen. Atli og Daníel unnu eftir oddalotu 12-21, 21-18 og 21-15.