Love, Wawrinka, Krieger og Venus Williams sýna allt | Myndbönd

ESPN Body Issue kemur út 9. júlí en í þessu árlega kroppariti er líkami íþróttamannsins hylltur.

Árlega sitja margar af skærustu íþróttastjörnum heims fyrir naktar og sýna líkamann sem er þeirra vinnutól.

Í ár fá finna NBA-leikmennina Kevin Love og DeAndre Jordan nakta í heftinu sem og Bryce Harper, ofurstjörnu Washington National í bandaríska hafnaboltanum.

Tenniskappinn Stan Wawrinka, nýkrýndur meistari á opna franska meistaramótinu, fer líka úr öllu í þessu nýjasta hefti kropparitsins.

Ali Krieger, varnarmaður bandaríska landsliðsins í fótbolta, er ein af konunum sem fækkar fötum í heftinu og sýnir stæltan líkamann.

„Ef maður lítur vel út, þá líður manni vel og þá spilar maður vel,“ segir hún í myndatöku sinni sem sjá má hér að neðan.

Venus Williams, tennisdrottning, er ein af forsíðum blaðsins í ár, en systir hennar, Serena, hefur áður setið fyrir í kropparitinu.

Allt verða 24 íþróttamenn naktir í nýjasta heftinu og má lesa meira um það hér.

´Stikla fyrir blaðið: Myndataka Ali Krieger: Myndataka Venus Williams: