Glamour

Leyndarmálið á bakvið hárið á Kylie Jenner

Ritstjórn skrifar
Tokyo Stylez
Tokyo Stylez
Þeir sem hafa fylgst með raunveruleikastjörnunni Kylie Jenner hafa tekið eftir að hún er ansi iðin við að skipta um hárlit. 

Einn daginn er hún með svart sítt hár, þann næsta er það orðið axlasítt og pastel grænt. Og daginn eftir er það orðið svart á ný.

Nú er „leyndarmálið“ á bakvið hárið komið í ljós, en það mun vera strákur sem er sjálflærður hárkollugerðarmeistari. Hann kallar sig Tokyo Stylez (heitir réttu nafni William Jackson) og vinnur við það að búa til hárkollur.



Kylie með grænbláa hárið
Hann byrjaði að fikta með hárlengingar aðeins ellefu ára gamall og fimmtán ára var hann orðinn það góður að hann var farinn að sjá um hárið á konunum í nágrenninu. Eftir það fór hann á eitt námskeið í hárkollugerð, en kenndi sér svo sjálfur í gegnum Youtube.

Kylie uppgötvaði hann í gegnum Instagram síðuna hans, en þar birtir hann alltaf myndir af sér með hárkollur viðskiptavina sinna, því hann segist vilja prófa þær sjálfur til þess að sjá hvernig þær líta út á alvöru manneskju, en ekki bara á gínum. 

Svo virðist sem þau nái ágætlega saman, en þau virðast að minnsta kosti deila „contour“ og „posing“ ráðum.

Kollurnar eru langt frá því að vera ókeypis og kostar stykkið frá 100- 500 þúsund íslenskra króna. 

Stylez hefur unnið fyrir fleiri stjörnur, meðal annars Rihönnu, Lil Kim og Karrueche Tran.

 
Custom glue less unit #touchedbytokyo #tokyostylez | hair provided by @foreign_affairsinc @foreign_affairsinc @foreign_affairsinc

A photo posted by Tokyostylez- Touched By Tokyo (@tokyostylez) on Jul 24, 2015 at 7:16am PDT

Nýtt Glamour er komið í allar helstu verslanir - ekki gleyma að tryggja þér eintak!

Komdu í hóp frábærra áskrifenda hér. 

Fylgstu með Glamour á Instagram og Facebook.

Glamour Fegurð

Mest lesið




×

Mest lesið