Conor og Dana gáfu Gunnari Harley Davidson í afmælisgjöf

Gunnar Nelson, UFC-bardagakappi, átti afmæli þann 28. júlí, en fékk í dag Harley Davidson mótorhjól frá nokkrum vel þekktum einstaklingum innan UFC-heimsins í gjöf.

Fréttir bárust af því á dögunum að erfiðlega reyndist að finna mótherja fyrir Gunnar, en hann ætti að geta huggað sig við glænýtt mótorhjól.

Gunnar greinir frá gjöfinni á Twitter-síðu sinni en þar þakkar hann Dana White, forseta UFC, og Conor McGregor, heimsmeistara í UFC. Tístið má sjá hér að neðan.

Okkar maður staddur í Las Vegas. Hann er þar með McGregor að taka þátt í sjónvarpsþáttunum The Ultimate Fighter, en þar þjálfa þeir evrópska bardagakappa.

Just got a Harley for my birthday!! Thanks so much @TheNotoriousMMA @danawhite @ufc and @harleydavidson pic.twitter.com/VaDajZDnHE

— Gunnar Nelson (@GunniNelson) August 15, 2015