NFL-leikmenn kærðir fyrir kynferðislegt ofbeldi

NFL-leikmennirnir Ray McDonald og Ahmad Brooks eru í vondum málum og þá aðallega McDonald.

Báðir hafa þeir verið kærðir fyrir að beita sömu konuna kynferðislegu ofbeldi sama daginn. Brooks er kærður fyrir að þukla á konunni en McDonald fyrir að nauðga henni er hún var nær meðvitundarlaus vegna áfengisdrykkju.

Þyngsti dómurinn sem Brooks gæti fengið er sex mánaða fangelsi en McDonald gæti farið í steininn í átta ár.

Konan var í annarlegu ástandi á heimili McDonald þetta umrædda kvöld. Hún féll á sundlaugarbakkanum og rotaðist. Héldu þeir í fyrstu að hún væri látinn og vildi McDonald þá ekki hringja í neyðarlínuna. Hann vildi ekki komast í fréttirnar með látna konu í garðinum hjá sér.

Konan komst til meðvitundar og þá brutu þeir gegn henni.

McDonald er þekktur afbrotamaður og gekk á sínum tíma í skrokk á óléttri unnustu sinni. Hann hélt áfram að spila með San Francisco 49ers er málið kom upp síðasta vetur en var svo látinn fara um leið og félagið átti ekki lengur möguleika á því að komast í úrslitakeppnina.

Brooks er enn leikmaður 49ers og hefur verið sendur í ótímabundið frá af félaginu.