Hryllings­mynda­leik­stjórinn Wes Craven látinn

Hryllingsmyndaleikstjórinn Wes Craven, sem gerði meðal annars myndirnar Nightmare on Elm Street, er látinn, 76 ára að aldri. Hann lést á heimili sínu á sunnudag af völdum krabbameins í heila.

Wesley Earl Craven skrifaði handritið og leikstýrði A Nightmare on Elm Street árið 1984, með hinu góðkunna illmenni Freddi Kruger í aðalhlutverki, en hann var einnig maðurinn á bak við Scream-kvikmyndaseríuna. 

Fyrsta hryllingsmyndin sem Craven leikstýrði var myndin Last House on the Left en hún kom út árið 1972.

Samkvæmt Hollywood Reporter hafði Craven gert samninga um að þátttöku í nokkrum verkefnum. Þar á meðal þættina The People Under the Stairs fyrir Syfy Networks, Disciples fyrir UCP, We Are All Completely Fine fyrir Syfy og UCP og Sleepers með Federation Entertainment.