Skærrauðar varir fyrir næsta sumar

Ritstjórn skrifar 17. september 2015 12:00

Ein vinsælasta förðunin fyrir næsta sumar á tískupöllunum á tískuvikunni í New York voru bjartar, mattar, rauðar varir. Tónninn var alveg frá appelsínurauðum út í rauðbleikan.

Varirnar voru í algjöru aðalhlutverki, förðun á augum í lágmarki og húðin var heilbrigð og falleg. Til að draga fram kinnbeinin og til að fá fallegan ljóma í húðina var notaður highlighter.

Við tökum þessari tísku fagnandi og erum strax farnar að láta okkur hlakka til næsta sumars.