Lögreglumenn gengu fylktu liði að Austurvelli

Lögreglumenn gengu fylktu liði frá lögreglustöðinni á Hverfisgötu að Austurvelli í morgun, þar sem samstöðufundur SFR stéttarfélags, Sjúkraliðafélags Íslands og Landssambands lögreglumanna fer nú fram. Þess verður krafist á fundinum að ríkið semji um sambærilegar kjarabætur og það gerði við aðra ríkisstarfsmenn.

Að neðan má sjá lögreglumenn marsera niður Bankastrætið.

Lögreglan á höfuðborgarsvæðinu fjölmennti í Bankastrætið rétt í þessu á leið niður að stjórnarráði. Hvort hún hafi að þ...

Posted by HN Markaðssamskipti on Thursday, October 15, 2015

Verkfall félaganna hófst á miðnætti. Ríkið lagði í gær fram nýja hugmynd sem nú er í skoðun, en þar sem ekki náðist að ljúka samingunum hófst verkfall hjá á sjötta þúsund ríkisstarfsmönnum, með umtalsverðri röskun á starfsemi Landspítalans, sýslumannsembætta, Tollsins, Háskóla Íslands, auk fleiri staða. 

Ekki hefur verið greint frá því hvers eðlis hugmynd ríkisins í gær felst, en í gær sagði Árni Stefán Jónsson, formaður SFR, þannig að samninganefndirnar hefðu ákveðið að leggja hana fyrir bakland sitt til umræðu. Áfram yrði unnið að málinu.