Draugaborg: Enginn á ferli í Reykjavík

Fáir sem engir eru á ferli á höfuðborgarsvæðinu. Á vefmyndavélum Vegagerðarinnar er varla bíl að sjá og sá fréttamaður ekki einn einasta á myndavélunum nú rétt fyrir klukkan tíu. 

Almannavarnir hafa ráðið fólki frá því að vera á ferli en nú er von á að veðrið versni til muna í borginni. Hættuástandi hefur verið lýst yfir á Suðurlandi og í Vestmannaeyjum þar sem vindur hefur mælst upp undir 50 metra á sekúndu, en veðurmælar eru farnir að fjúka.

Á þessum myndum má sjá hvernig höfuðborgin er orðin næst því að vera draugaborg.