Lancia Ypsilon fékk 2 stjörnur hjá Euro NCAP

Andlitslyft gerð Lancia Ypsilon var prófaður hjá Euro NCAP nýlega og segja má að bíllinn hafi valdið miklu vonbrigðum hvað öryggi varðar. Ekki einungis fékk hann 2 stjörnur úr prófinu heldur kviknaði í bílnum við árekstur framan á hann.

Í þessari prufuatrennu Euro NCAP voru alls prófaðir 15 bílar og aðeins Lancia Ypsilon fékk 2 stjörnur. Hæstu einkunnina fengu BMW X1, Lexus RX, Mercedes-Benz GLC, Infiniti Q30, Jaguar XE, Jaguar XF, Opel/Vauxhall Astra, Kia Sportage, Kia Optima, Renault Megane, og Renault Talisman. Fjórar stjörnur fengu Nissan Navara og MINI Clubman og BMW Z4 fékk aðeins 3 stjörnur.

Lancia, sem er í eigu Fiat, framleiðir aðeins eina bílgerð sem stendur, Lancia Ypsilon og ekki er hægt að hrósa þessari einu framleiðslu fyrirtækisins sem stendur. Áður var reisn Lancia bíla meiri og fóru þar eftirsóttir sportbílar af fallegri gerðinni, bílar sem enn eru í miklum metum, en voru þó á tíðum bilanagjarnir.