Árangurslausum sáttafundi lokið í Straumsvíkurdeilunni

Árangurslausum sáttafundi starfsmanna álversins í Straumsvík og stjórnenda þess lauk í húsakynnum ríkissáttasemjara á níunda tímanum. Boðað hafði verið til fundarins með stuttum fyrirvara fyrr í kvöld og hófst hann klukkan sex.

Vinnustöðvun starfsfólks álversins hefst því á miðnætti líkt og áformað hafi verið. Ekki verður þó slökkt á öllum kerum álversins, komi til þess, fyrr en 16. desember. Starfsmannastjóri Rio Tinto Alcan í Evrópu kom hingað til lands í gær til að ræða við starfsfólkið og reyna að koma á sáttum. Deilan snýst að mestu leyti um aukna heimild Rio Tinto til verktöku.