Þetta er sannkallað jólaþorp

Það eru margir sem setja upp lítil og krúttleg jólaþorp heima hjá sér yfir jólin en líklega geta fáir toppað hjónin Jón Brynjar Birgisson og Bryndísi Rut Jónsdóttur sem setja upp heila jólaborg hver jól á heimil sínu.

„Þetta byrjaði þegar við keyptum ódýra plastlest og okkur fannst þurfa eitthvað í kringum hana,“ útskýrir Jón Brynjar. „Smám saman þróaðist nördaskapurinn úr því að þetta varð eitthvað sem maður henti upp á skenk á korteri í eitthvað sem tekur tvær þrjár vikur að klára fyrir hver jól.“

Ísland í dag leit við á heimili Jóns Brynjars og Bryndísar en í jólaþorpi þeirra má finna 120-130 íbúa.