FH vann Fjölni í Bose-bikarnum | Sjáðu mörkin

FH vann öruggan sigur á Fjölni, 3-1, í Bose-bikarnum í fótbolta en leikið var í Egilshöll í gærkvöldi.

Sam Hewson skoraði fyrsta markið með laglegu skoti eftir fallegan undirbúning Kristjáns Flóka Finnbogasonar og Emil Pálsson tvöfaldaði forskotið með föstum skalla á 79. mínútu.

Sigurður Gísli Snorrason kom FH svo í 3-0 með föstu skoti rétt fyrir utan teig á 87. mínútu áður en Brynjar Steinþórsson minnkaði muninn fyrir Fjölni, 3-1, með skallamarki eftir hornspyrnu.

Leikurinn var í beinni útsendingu á SportTV og má sjá öll mörkin í spilaranum hér að ofan.

Úrslitaleikur mótsins verður viðureign Stjörnunnar og KR. Stjarnan spilar til úrslita annað árið í röð en í fyrra tapaði liðið gegn Víkingi í úrslitaleik Bose-bikarsins.