Er Ramadan ástæðan fyrir auknum vinsældum Quiz Up?

Mikil uppsveifla hefur verið hjá Quiz Up í Frakklandi en það er talið vera vegna Ramadan. Samkvæmt Þorsteini Friðrikssyni, forstjóra Plain Vanilla, er hægt að rekja upphafið á vinsældunum þar í landi til þessa heilaga mánaðar.

„Við erum ekki með neina eina útskýring, enda oft erfitt að útskýra af hverju nákvæmlega hlutir verða að æði á tilgreindum mörkuðum. Við tókum hinsvegar eftir því við upphaf hinna miklu vinsælda í Frakklandi þá virtist vera mikið um franska notendur af arabískum uppruna sem töluðu á spjallborðum leiksins talsvert um Ramada og hversu gott það væri að hafa QuizUp við hendina til þess að láta Ramöduna líða fyrr,“ segir Þorsteinn.