Daníel Freyr aftur í FH

Daníel Freyr Andrésson snýr í sumar aftur í FH eftir að hafa verið á mála hjá danska úrvalsdeildarliðinu SönderjyskE síðastliðin tvö ár.

Þetta kom fram í tilkynningu frá handknattleiksdeild FH í dag en Daníel skrifaði undir tveggja ára samning við FH.

„Þegar við fréttum að Danni hefði áhuga á að koma heim þá var ekkert annað að gera en að breiða út faðminn. Danni er að okkar mati einn af bestu markvörðum Íslands, frábær karakter og drengur góður. Danni mun jafnframt koma til með að hjálpa og kenna yngri markvörðum FH en hann mun koma inní þjálfarateymi yngri flokka FH og sinna markvörðum okkar sérstaklega,“ sagði Ásgeir Jónsson, formaður handknattleiksdeildar FH, í tilkynningunni segir Ásgeir Jónsson formaður handknattleiksdeildar FH.