Spánn áfram á kostnað Dana

Spánverjar eru komnir áfram í undanúrslit eftir sigur á Rússlandi í lokaumferð milliriðlakeppninnar í kvöld, 25-23.

Danir fylgdust spenntir með þessum leik því sigur Rússa hefði þýtt að Danir hefðu farið í undanúrslitin með Þýskalandi, en ekki Spánn.

Sjá einnig: Dagur mætir Noregi í undanúrslitum

Rússar voru marki yfir í leikhléi, 12-11, en Spánverjar náðu yfirhöndinni snemma í síðari hálfleik og héldu henni allt til loka, þó svo að Rússari hafi ekki verið langt undan.

Valero Rivera skoraði ellefu mörk fyrir Spán en markahæstur hjá Rússum var Timur Dibirov með fimm mörk.