Á snjóbretti aftan í Nissan GT-R

Það hafa ekki margri prófað að vera á snjóbretti á hinni þekktu Spa akstursbraut í Belgíu á snjóbretti og ekki sakar að vera dreginn af ofursportbílnum Nissan GT-R.

Þetta fékk þó þessi heppni snjóbrettamaður að upplifa um daginn og var dreginn á brautinni, stundum á yfir 120 km hraða. Það snjóar sjaldnast mikið í Belgíu en það þarf ekki mikinn snjó til að hafa það skemmtilegt og víst er að margir öfunda þennan heppna brettamann.

Hann hafði þó vit á því að vera með hjálm og á myndskeiðinu sést að ekki var vanþörf á. Sjón er sögu ríkari sem fyrr.