Sádar sækjast eftir láni

Stjórnvöld Sádi-Arabíu leitast nú eftir sex til átta milljarða dala láni til að stoppa upp í fjárlög ríkisins. Um er að ræða 780 til 1040 milljarða króna. Verðhrun olíu hefur leitt til mikils fjárhalla í landinu og er þetta í fyrsta sinn í rúman áratug sem ríkið sækist eftir láni.

Samkvæmt heimildum Reuters hafa Sádar mögulega lánendur um að skila inn tillögum að fimm ára láni, með mögulegri aukningu. Fjármálaráðuneyti Sáda og Seðlabanki hafa ekki svarað Reuters varðandi málið.

Fjárhalli ríkisins var nærri því hundrað milljarðar dala í fyrra. Nú þegar hafa yfirvöld brugðist við með því að notast við erlendar eignir og að gefa út ríkisskuldabréf. Það dugar þeim þó einungis í nokkur ár miðað við umfangs vandans.

Sérfræðingar sem Reuters ræddi við segja að sex ríkustu ríki Arabíu gætu fengið lánaða um 20 milljarða dala á árinu, sem er mikil viðsnúningur frá síðustu árum. Undanfarin ár hafa þessi ríki verið að lána fé til annarra ríkja.