Bíó og sjónvarp

Spá Simpsons um Trump sem forseta var viðvörun

Samúel Karl Ólason skrifar
Úr þættinum umrædda.
Úr þættinum umrædda.
„Það virtist vera rökrétt að hafa þetta síðasta skrefið áður en botninum væri náð.“ Þetta segir Dan Greaney, einn rithöfunda Simpsons, um spá þeirra frá árinu 2000 um að Donald Trump yrði kosinn forseti Bandaríkjanna og að hann myndi gera ríkið gjaldþrota.

„Þetta var viðvörun til Bandaríkjanna.“

Greaney ræddi spána nýverið við Hollywood Reporter og sagði hann að stungið hefði verið upp á að Trump væri orðinn forseti til að sýna fram á hvað bandarískt samfélag væri að verða geðveikt.

Spáin birtist í þættinum Bart to the Future sem sýndur var í mars árið 2000.

Uppfært: Upprunalega stóð í fréttinni að þeir hefðu spáð nákvæmlega fyrir um ferð Trump niður rúllustiga þegar hann tilkynnti framboð sitt. Það myndband var teiknað eftir að Trump hafði tilkynnt framboð sitt.

Donald Trump Forsetakosningar í Bandaríkjunum


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.